07.11.2024

ეკონომიკის ოლიმპიადის სკოლის რაუნდი 2025

ეკონომიკის ოლიმპიადის სკოლის რაუნდში მონაწილეობისთვის სკოლიდან მხოლოდ ერთმა მასწავლებელმა უნდა დაარეგისტრიროს სკოლა მონაწილედ (რეგისტრაციის ბმული შეგიძლიათ იხილოთ ოლიმპიადის მთავარ გვერდზე: https://www.geli.org.ge/ka/olympiad), ამის შემდეგ ამ სკოლის ყველა მე-10, მე-11 და მე-12 კლასის მოსწავლეს ექნება უფლება დაწეროს ტესტი სკოლის რაუნდის ტესტირების დღეს. სისტემაში სკოლის რეგისტრაციით მასწავლებელი ხდება ეკონომიკის ოლიმპიადის სკოლის კოორდინატორი. 

ეკონომიკის ოლიმპიადაზე სკოლების რეგისტრაცია 3 თებერვლამდე გრძელდება, 2025.

ოლიმპიადაში მონაწილეობა შეუძლიათ რეგისტრირებული სკოლის მე-10, მე-11 და მე-12 კლასის მოსწავლეებს. 

• -  ოლიმპიადის ონლაინ ტესტირება ჩატარდება 17 თებერვლის კვირაში სკოლებში. მხოლოდ თბილისის სკოლები ტესტს დაწერენ თავისუფალ უნივერსიტეტში 16 თებერვალს.
• -  კომპიუტერში ონლაინ ტესტირების სისტემით მოსწავლეები უპასუხებენ 25 დახურულ შეკითხვას.
• -  ტესტირებისთვის გამოყოფილია 40 წუთი.

ტესტირების სისტემა

• -  ოლიმპიადის მონაწილე მოსწავლემ ტესტის დაწყებამდე უნდა შეიყვანოს პირადი მონაცემები, მათ შორის ელ. ფოსტა, სადაც მიიღებს ტესტირების შედეგებს.
• -  ტესტები გაჯერებულია ლოგიკური მაგალითებით, რაც მოსწავლეებს საშუალებას აძლევს ეკონომიკის სიღრმისეული ცოდნის გარეშე უპასუხონ კითხვებს და აღმოაჩინონ ეკონომიკა მათ ყოველდღიურ ცხოვრებაში.
• -  მოსწავლეებისთვის რეკომენდირებულია გაეცნონ დამხმარე მასალას, რაც დაეხმარება მათ მარტივად გაიგონ ეკონომიკა. დამხმარე მასალა ხელმისაწვდომია ამ გვერდზე, ასევე ელ. მას ელ. ფოსტაზე მიიღებენ რეგისტრირებული სკოლის კოორდინატორი მასწავლებლები.
• - ყველა მოსწავლე, რომელიც დაწერს ტესტს, მისი დასრულებისთანავე მიიღებს ონლაინ სერტიფიკატს, რომელიც შეუძლია ჩამოტვირთოს. 
• - სკოლების რეგისტრაციების დასრულების შემდეგ (დაახლოებით 3 თებერვლიდან 10 თებერვლამდე) მონაწილე სკოლის კოორდინატორები მეილზე მიიღებენ ტესტირების ინსტრუქციას და ბმულს რომლზეც მოსწავლეები დაწერენ ტესტს.
• - მოსწავლეს შეუძლია ტესტი დაწეროს ქართულ ან ინგლისურ ენაზე.

დამხმარე მასალა

ტესტისთვის მოსამზადებელი ძირითადი მასალა შეგიძლიათ წაიკითხოთ ბმულზე:

https://www.geli.org.ge/ka/news?page=1

დამატებითი მოსამზადებელი მასალა:

საღი აზრის ეკონომიკა და ბიბლიოთეკა

• მარტივ ენაზე ახსნილი ეკონომიკური საკითხები, ვიდეოებითა და ესსეებით: https://www.econfun.org/ka/get-the-book
• https://www.econfun.org/en/library

"საღი აზრის ეკონომიკა ორჯერ ორივით მარტივად" და "5 წუთი ეკონომიკაზე"

• ორჯერ ორთან ერთა შექმნილი მოკლე და სახალისო ვიდეოები ეკონომიკაზე:
• http://www.geli.org.ge/ka/economics

პრიზები

• - სკოლის რაუნდის მონაწილე ყველა მოსწავლე ტესტის დასრულების შემდეგ მიიღებს სერტიფიკატის ელ. ვერსიას, რომლის ჩამოტვირთვასაც და სამომავლო მიზნებისთვის გამოყენებას შეძლებს.
• - ეროვნულ რაუნდზე გადასულ 200 (ან მეტს) მოსწავლეს გადაეცემა სერტიფიკატები და სასაჩუქრე პაკეტი ორგანიზატორებისგან.
• - მასწავლებლებს, რომლებიც იქნებიან ეკონომიკის ოლიმპიადის სკოლის კოორდინატორები გადაეცემათ ოლიმპიადის კოორდინატორის ცნობა, ეროვნული რაუნდის მონაწილეობის სერტიფიკატი და სასაჩუქრე პაკეტი ორგანიზატორებისგან.
• - მონაწილე სკოლებიდან მონაწილეთა რაოდენობისა და მიღებული შედეგების საფუძველზე, გამოვლინდებიან აქტიური მასწავლებლები, რომლებსაც გადაეცემათ პლანშეტები. 
• - ბანაკში საქართველოს ეროვნული რაუნდის 10 გამარჯვებული მონაწილე უფასოდ ჩაერთვება, ხოლო ეროვნული რაუნდის სხვა მონაწილეები რეიტინგების მიხედვით მიიღებენ 70%, 50% და 20% ფასდაკლებას.

დაგვიკავშირდით: info@geli.org.ge